Англиялик мутахассис Ли Грант ўз фаолиятида илк бор бош мураббийлик вазифасини қабул қилди — у «Хаддерсфилд Таун» клуби бош мураббийи бўлди.

Бу ҳақда жамоанинг расмий сайти хабар берди. Маълумотларга кўра, 42 ёшли англиялик мутахассис билан уч йиллик шартнома имзоланган ва у Англиянинг учинчи дивизиони 2025/26 йилги мавсумига тайёргарликни бошлайди.

Аввалроқ, «Манчестер Юнайтед»нинг собиқ дарвозабони Ли Грант Премьер-лига клубларидан бирида мураббий ёрдамчиси сифатида фаолият юритган. Шунингдек, у яна бир собиқ «МЮ» футболчиси — Киран Маккеннага «Ипсвич Таун»да мураббий ёрдамчиси сифатида ёрдам берган. Бу мураббийлар штаби жамоани икки марта лигада юқорига олиб чиқишга муваффақ бўлди — Лига 1дан Чемпионшипга, сўнг Премьер-лигага.

Футболчи сифатида Грант 500 дан ортиқ ўйинда иштирок этган. У фаолиятини «Манчестер Юнайтед»да якунлаган ва шу ерда мураббийлик фаолиятини ҳам бошлаган.