"Ливерпуль"нинг ҳужумкор ярим ҳимоячиси Харви Эллиотт учта клубнинг радарида бўлиб турибди.

"Қизиллар" 22 ёшли футболчини яқинлашиб келаётган трансферлар даврида сотиб юборишга тайёр. Журналист Люис Стилнинг маълум қилишича, англиялик футболчига Германиянинг "Байер" ва "Боруссия" Дортмунд клублари, шунингдек, Премьер-лига вакили "Брайтон" қизиқиш билдирмоқда. Transfermarkt талқинига кўра, хавбекнинг нархи 35 млн еврони ташкил этади.

Ўтган мавсумда Харви Эллиотт "Ливерпуль"нинг 28 та ўйинида майдонга тушиб, 5 та гол урган ва 3 та голга ҳаммуаллифлик қилган. Футболчининг мерсисайдликлар билан шартномаси 2027 йилнинг ёзига қадар мўлжалланган.