"Liverpul"ning hujumkor yarim himoyachisi Xarvi Elliott uchta klubning radarida bo‘lib turibdi.
"Qizillar" 22 yoshli futbolchini yaqinlashib kelayotgan transferlar davrida sotib yuborishga tayyor. Jurnalist Lyuis Stilning ma’lum qilishicha, angliyalik futbolchiga Germaniyaning "Bayer" va "Borussiya" Dortmund klublari, shuningdek, Premyer-liga vakili "Brayton" qiziqish bildirmoqda. Transfermarkt talqiniga ko‘ra, xavbekning narxi 35 mln yevroni tashkil etadi.
O‘tgan mavsumda Xarvi Elliott "Liverpul"ning 28 ta o‘yinida maydonga tushib, 5 ta gol urgan va 3 ta golga hammualliflik qilgan. Futbolchining mersisaydliklar bilan shartnomasi 2027 yilning yoziga qadar mo‘ljallangan.













