"Фиорентина" ўзининг расмий сайтида дарвозабон Давид де Хеа билан шартномани узайтирганини эълон қилди. Испанияликнинг янги меҳнат шартномаси 2028 йил ўрталарига мўлжалланган, аввалги шартнома эса келаси ёзда тугаши керак эди.

Давид де Хеа 2024 йилнинг августида "Фиорентина" сафига эркин агент сифатида қўшилганди. Ўтган мавсумда 34 ёшли дарвозабон "бинафшаранглилар" сафида барча мусобақаларда 42та ўйинда майдонга тушиб, ўз дарвозасидан 50та гол ўтказиб юборган ва 11 марта дарвозани дахлсиз сақлаб қолган.

Италияга кўчиб ўтишдан олдин де Хеа 12 йил давомида "Манчестер Юнайтед" шарафини ҳимоя қилган ва 2023 йилда клубни тарк этган.