"Пари Сен-Жермен" бош мураббийи Луис Энрике Чемпионлар лигаси финалидан ўрин олган "Интер"га қарши ўйин олдидан жамоа дарвозабони Жанлуижи Доннарумма ҳақидаги саволга жавоб қайтарди.
Италиялик дарвозабон олдинги босқичларда жамоанинг асосий қаҳрамонларидан бирига айланди.
"Бундай даражада ҳаракат қилаётган ҳар бир киши шуни тушуниши керакки, завқ-шавқ доимий равишда шафқатсиз танқид билан алмашиниб туриши мумкин. Доннарумма катта тажрибага эга, биз жамоадаги барча каби ундан жуда мамнунмиз. Ўйлайманки, бу мавсумда биз анча кучлироқ бўлдик," - деди Энрике матбуот анжуманида.
