"Байер" ярим ҳимоячиси Флориан Вирц "Ливерпуль"га ўтишга яқин турибди.
Инглиз гранди 22 ёшли футболчи учун 125-130 млн евро таклиф қилган, бироқ "доришунослар" ҳозирча бунга розилик билдирмаган, деб хабар бермоқда журналист Флориан Плеттенберг. Музокаралар давом этмоқда. Иккала клуб ҳам келишувни тезроқ ёпмоқчи - бу бир неча кун ичида амалга ошиши кутилмоқда. Томонлар, шунингдек, "Ливерпуль" футболчиларидан бирининг тескари йўналишга ўтиши мумкинлигини ҳам муҳокама қилмоқда.
Эслатиб ўтамиз, инглиз гранди Флориан Виртц учун курашда "Бавария," "Манчестер Сити" ва Мадриднинг "Реал" клубларини мағлуб этганди. Ҳужумкор ярим ҳимоячининг ўзи аллақачон Арне Слот жамоасида ўйнашга қарор қилган.
