Миланнинг "Интер" клуби бош мураббийи Симоне Индзаги "Пари Сен-Жермен" билан Чемпионлар Лигаси финали олдидан ижобий хабар билан ўртоқлашди.
Мураббийнинг сўзларига кўра, "нерадзуррилар"нинг барча футболчилари жароҳатларини даволашди ва мавсумнинг энг муҳим баҳсида жамоага ёрдам беришга тайёр.
"Ҳозир барча футболчиларимиз мавжуд - бу жуда муҳим. Бу мавсумда ўтказилган 59 ўйинда атиги уч марта шундай бўлган! Бу ҳар бир мураббийнинг орзуси," - дея Симоне Индзагининг сўзларини келтиради "Интер" матбуот хизмати.













