"Челси" "Эвертон" марказий ҳимоячиси Жерред Брэнтуэйт трансферини амалга ошириши қийин бўлади.
Лондонликлар 22 ёшли футболчини яқинлашиб келаётган трансферлар даврида ўз сафига қўшиб олиш ҳақида ўйламоқда. Айнан "кўклар" сўнгги пайтларда "ирислар" юлдузига асосий даъвогар сифатида тилга олинмоқда, бироқ трансфер эҳтимоли камдек кўринмоқда. Журналист Саймон Жонснинг маълум қилишича, "Эвертон" марказий ҳимоячини сотмоқчи эмас.
Машҳур Transfermarkt портали экспертлари Жерред Брэнтуэйтнинг нархини 50 млн еврога баҳоламоқда. Ўтган мавсумда футболчи ливерпулликлар жамоаси сафида 33 та ўйинда майдонга тушиб, битта голли узатмани ўз ҳисобига ёздириб қўйган.
