"Chelsi" "Everton" markaziy himoyachisi Jerred Brentueyt transferini amalga oshirishi qiyin bo‘ladi.

Londonliklar 22 yoshli futbolchini yaqinlashib kelayotgan transferlar davrida o‘z safiga qo‘shib olish haqida o‘ylamoqda. Aynan "ko‘klar" so‘nggi paytlarda "irislar" yulduziga asosiy da’vogar sifatida tilga olinmoqda, biroq transfer ehtimoli kamdek ko‘rinmoqda. Jurnalist Saymon Jonsning ma’lum qilishicha, "Everton" markaziy himoyachini sotmoqchi emas.

Mashhur Transfermarkt portali ekspertlari Jerred Brentueytning narxini 50 mln yevroga baholamoqda. O‘tgan mavsumda futbolchi liverpulliklar jamoasi safida 33 ta o‘yinda maydonga tushib, bitta golli uzatmani o‘z hisobiga yozdirib qo‘ygan.