Хесус Вальехо "Реал" билан хайрлашди.
Ҳимоячи 10 йил ўтиб Мадрид клубини тарк этди.
"Ушбу мавсумлар давомида "Реал Мадрид"нинг бир қисми бўлган барча инсонларга катта раҳмат. Биз жуда бошқача лаҳзаларни бошдан кечирдик. Мен ҳам, оилам ҳам сўнгги кунгача бу саҳнада яшадик, ишладик ва завқ олдик. Шубҳасиз, мен майдонда ҳам, майдон ташқарисида ҳам жуда қимматли тажрибага эга бўлдим.
Мен ҳар куни жамоага ва жамоадошларимга қўлимдан келганича ёрдам бериш учун меҳнат қилганимдан жуда фахрланаман.
Шунингдек, ҳар бир учрашувда, ҳар бир йиғинда ва ҳар бир машғулотдан сўнг мени қўллаб-қувватлаган барча "Реал Мадрид" мухлисларидан жуда миннатдорман. Яшасин Мадрид!" – деб ёзган Вальехо.
