"Интер" ҳимоячиси Янн-Аурель Биссек Чемпионлар лигасининг иккинчи бўлимида "ПСЖ"га қарши ўйинда захирадан майдонга тушди, аммо саккиз дақиқадан сўнг алмаштирилди.
24 ёшли Биссекнинг ўнг сонининг орқа мушакларида муаммо бор. Натижада, Биссек Германия терма жамоаси сафида Миллатлар лигасининг финал босқичида иштирок эта олмайди. Бу ҳақда Германия футбол ассоциацияси расмий сайти хабар берди.
4 июнь, чоршанба куни Германия терма жамоаси Миллатлар лигаси ярим финалида Португалияга қарши баҳс олиб боради. Ўйин Тошкент вақти билан 23:59да бошланади.
