Туриннинг “Ювентус” клуби раҳбарияти Игор Тудорни жамоа бош мураббийи сифатида сақлаб қолиш ниятида.
Журналист Жанлука Ди Марционинг хабар беришича, агар савия ва тажриба бўйича Тудордан ўзиб кетадиган муқобилни топиб бўлмаса, клуб хорватиялик мутахассис билан ҳамкорликни давом эттиради.
Қайд этилишича, Тудор ўтган мавсумдаги баҳсли натижаларга қарамай, жамоа ишончидан баҳраманд ва футболчилар томонидан қўллаб-қувватланмоқда. Шу билан бирга, бўлажак мураббий бўйича қарор потенциал номзодлар билан музокараларнинг боришига боғлиқ бўлади.
Игор Тудор 2025 йилнинг март ойида “Ювентус” бош мураббийи лавозимини эгаллаган эди.













