"Ливерпуль" футболчиси Федерико Кьеза мураббийлар Антонио Конте ва Массимилиано Аллегри ҳақида фикр билдирди.
Конте яқинда "Наполи"ни А Серияда ғалабага эриштирди, ўтган мавсумни ўтказиб юборган Аллегри эса "Милан"ни бошқаради.
"Конте ва Аллегрини тайинлаган клублар автоматик равишда Скудетто учун курашда муваффақият қозониш имкониятларини оширади. Мен Максдан кўп қарздорман", - дейди 27 ёшли вингер.
Федерико Кьеза Массимилиано Аллегрини "Ювентус"да бирга бўлган вақтларидан билади. Футболчи ўтган йилнинг август ойида клубни тарк этиб, "Ливерпул"га ўтган ва мураббий бироз олдинроқ, май ойида ишдан бўшатилган эди.
