"ПСЖ" ҳужумчиси Усмон Дембеле "Барселона" ҳақида илиқ фикр билдирди.
Эслатиб ўтамиз, 2023/24 йилги мавсумда франциялик футболчи Чемпионлар лигасининг чорак финалида собиқ жамоаси дарвозасига гол урганини нишонлаганди.
“Кўк-анорранглилар” Усмон учун Дортмунднинг “Боруссия”сига 135 миллион евро тўлаган.
"Мен "Барселона"га 20 ёшда келганман. Бу менинг орзуларимдаги клуб эди. Мен "Барселона"ни ҳеч қачон ҳақорат қилмайман ва уларга ҳурматсизлик кўрсатмайман.
Мен бу жамоада ўйнашни орзу қилардим", - дея "ПСЖ" футболчисининг сўзларини келтиради Mundo Deportivo.













