Биринчи лига вакили - Қаршининг «Лочин» жамоаси Ўзбекистон Кубогида ҳеч ким кутмаганда қийин гуруҳдан Суперлига вакиллари – «Андижон» ва «Сурхон»ни мағлуб этди.
Натижада клуб плей-оффда баҳслашади. 8 июнь куни «Лочин» Самарқандда «Динамо» меҳмони бўлади. Бу жамоалар гуруҳ босқичида ҳам ўзаро тўқнаш келишган.
Унда мезмбонлар ғалаба қозонганди.
Плей-офф ўйини олдидан «Лочин» клуби сардори Олимжон Каримов ўйин ҳақида гапирди.
"Чиндан ҳам биз гуруҳ босқичида Суперлиганинг бирйўла 3 клубига тўқнаш келдик. «Лочин» клубининг ушбу муваффақиятини ҳеч ким кутмаганди.
«Андижон» ва «Сурхон»ни мағлуб этганимизга келсак, йигитларни бирдамлиги ва ўзига бўлган ишончи орқали эришдик. Рақиб ҳар қанча номдор ёки тажрибали бўлмасин, футболчиларимиз майдонда борларини бериб ҳаракат қилишди. Натижада плей-оффга йўл олдик. Шубҳасиз, бундан мамнунмиз", деди футболчи.
