Birinchi liga vakili - Qarshining «Lochin» jamoasi O‘zbekiston Kubogida hech kim kutmaganda qiyin guruhdan Superliga vakillari – «Andijon» va «Surxon»ni mag‘lub etdi.
Natijada klub pley-offda bahslashadi. 8 iyun kuni «Lochin» Samarqandda «Dinamo» mehmoni bo‘ladi. Bu jamoalar guruh bosqichida ham o‘zaro to‘qnash kelishgan.
Unda mezmbonlar g‘alaba qozongandi.
Pley-off o‘yini oldidan «Lochin» klubi sardori Olimjon Karimov o‘yin haqida gapirdi.
"Chindan ham biz guruh bosqichida Superliganing biryo‘la 3 klubiga to‘qnash keldik. «Lochin» klubining ushbu muvaffaqiyatini hech kim kutmagandi.
«Andijon» va «Surxon»ni mag‘lub etganimizga kelsak, yigitlarni birdamligi va o‘ziga bo‘lgan ishonchi orqali erishdik. Raqib har qancha nomdor yoki tajribali bo‘lmasin, futbolchilarimiz maydonda borlarini berib harakat qilishdi. Natijada pley-offga yo‘l oldik. Shubhasiz, bundan mamnunmiz", dedi futbolchi.
