Лондоннинг “Арсенал” клуби ўтган мавсум натижаларига кўра жамоанинг энг яхши футболчисини танлади.
Эътироф 52 фоиз овоз тўплаган ярим ҳимоячи Деклан Райсга берилди, деб хабар беради “канонирлар” матбуот хизмати.
Вингер Букайо Сака иккинчи, дарвозабон Давид Райя учинчи ўринни эгаллади.
Деклан Райс ўтган мавсумда Микель Артета жамоаси сафида барча мусобақаларда 52 та ўйинда майдонга тушиб, 9 та гол урди ва 10 та голли узатмани амалга оширди.













