"Атлетик" ҳужумчиси Нико Уильямс Испанияни тарк этишни истамаяпти, шу сабабли у "Барселона"га ўтмаса, ўзига максимал даражада қулай бўлган Бильбао клуби билан шартномасини узайтиради. Бу ҳақда Sport.es хабар бермоқда.
Манбага кўра, 22 ёшли вингерга "Арсенал" ва "Челси" қизиқиш билдирмоқда, улар "Атлетик"га товон пулини тўлашга тайёр, аммо Уильямснинг хорижга кетишни истамаслиги туфайли улар шахсий шартнома шартлари бўйича келишиб олиши даргумон.
Таъкидланишича, "Барселона" испаниялик ҳужумчини трансфер учун устувор вариант сифатида кўрмаяпти. Бундан ташқари, "кўк-анорранглилар" вакилларининг Уильямснинг агенти билан учрашувидан кейин томонлар ўртасидаги муносабатлар янада кескинлашди, бу эса "Атлетик"ка ёқмади.
