"Atletik" hujumchisi Niko Uilyams Ispaniyani tark etishni istamayapti, shu sababli u "Barselona"ga o‘tmasa, o‘ziga maksimal darajada qulay bo‘lgan Bilbao klubi bilan shartnomasini uzaytiradi. Bu haqda Sport.es xabar bermoqda.
Manbaga ko‘ra, 22 yoshli vingerga "Arsenal" va "Chelsi" qiziqish bildirmoqda, ular "Atletik"ga tovon pulini to‘lashga tayyor, ammo Uilyamsning xorijga ketishni istamasligi tufayli ular shaxsiy shartnoma shartlari bo‘yicha kelishib olishi dargumon.
Ta’kidlanishicha, "Barselona" ispaniyalik hujumchini transfer uchun ustuvor variant sifatida ko‘rmayapti. Bundan tashqari, "ko‘k-anorranglilar" vakillarining Uilyamsning agenti bilan uchrashuvidan keyin tomonlar o‘rtasidagi munosabatlar yanada keskinlashdi, bu esa "Atletik"ka yoqmadi.
