"Ливерпуль" дарвозабони Алиссон Беккер мерсисайдликлар жамоасидаги келажаги ҳақида фикр билдирди.
"Менинг клуб билан амалдаги меҳнат шартномам бор ва уни узайтириш имконияти мавжуд. Умид қиламанки, клуб шартномадаги ушбу банддан унумли фойдаланади.
Мен қаттиқ ишлашда давом этиш ниятидаман.
Бу менинг фаолиятимдаги ҳал қилувчи дақиқа, чунки жаҳон чемпионати яқинлашмоқда", - дея бразилиялик дарвозабоннинг сўзларини келтирган инсайдер Фабрисио Романо ижтимоий тармоқда.













