Франция терма жамоаси бош мураббийи Дидье Дешам Германия билан ўйин натижаларини сарҳисоб қилди.
Миллатлар лигасида учинчи ўрин учун кечган баҳсда французлар 2:0 ҳисобида ғалаба қозонишди.
"Рақибимизга тўп билан ҳаддан ташқари кўп устунликни бердик. Майдонда қандайдир доимий ҳаракат бор эди, аммо бу ҳеч нарсага олиб келмади.
Учинчи ўрин тўртинчидан яхшироқ, мавсумни Германия устидан қозонилган ғалаба билан якунлаймиз. Бу биз учун дам олиш, лекин футболчилар учун эмас. ЖЧ-2026 саралаш босқичида бизни сентябрь ойида Украина ва Исландия билан муҳим ўйинлар кутиб турибди", - деди Дешам.
