"Милан" ёзда қанот ҳужумчиси Рафаэль Леаудан айрилиши мумкин.
25 ёшли футболчи жамоани ўзгартирмоқчи ва унга даъвогарлар қатори кундан-кунга кенгайиб боряпти. Португалиялик футболчи нафақат Европа чемпионатларида талабга эга. Журналист Бен Жейкобснинг фикрича, Саудия Арабистонининг “Ан-Наср” клуби Леаога алоҳида қизиқиш билдирмоқда.
"Милан" 80 миллион евролик таклифларни кўриб чиқишга тайёр, бироқ футболчининг ўзи Европани тарк этишни хоҳлаяптими ёки йўқми, ҳозирча аниқ эмас.
Ўтган мавсумда "Милан"нинг ҳужумкор етакчиси 50 та ўйинда 12 та гол урди ва 13 та голли узатмани амалга оширди.
