Миланнинг “Интер” клуби “Рома”дан ижарага олинган Никола Залевски борасида бир қарорга келмоқчи. Ўтган ой 23 ёшли футболчи деярли сотиб олиниши ҳақида хабар берилганди, аммо вазият ўзгарди.
Журналист Маттео Мореттонинг сўзларига кўра, "нерадзуррилар" ҳозирда қанот ҳимоячисини олмасликка интилишмоқда. Якуний қарор душанба куни расман эълон қилинган янги бош мураббий Кристиан Кивунинг талабларига боғлиқ бўлади.
Никола Залевски барча мусобақаларда “Интер” сафида 15 ўйинда майдонга тушиб, битта гол урди ва битта голли узатмани амалга оширди.
