"Боруссия" "Челси"нинг Жейми Гиттенс борасидаги таклифини рад этди.
Аввалроқ Лондон клуби 20 ёшли вингер учун 42 миллион фунт стерлинг (тахминан 49,7 миллион евро) таклиф қилгани хабар қилинганди.
Флориан Плеттенберг хабарига кўра, дортмундликлар футболчини бу суммага сотишдан бош тортган. Улар бонуслар билан бирга 65 миллион евро талаб қилишмоқда. Музокаралар давом этмоқда.
Гиттенс ўтган мавсумда Бундеслигада 32 та ўйинда майдонга тушиб, 8 та гол урди ва 3 та голли узатмани амалга оширди.













