Жозе Моуриньо "Фенербахче" бошқарувида кутилганидан ҳам узоқроқ қолиши мумкин.
Журналист Яғиз Сабунджуўғлунинг хабар беришича, турк клуби португалиялик мутахассис билан шартномани узайтирмоқчи. Моуриньо жамоани 2024 йилнинг ёзида қабул қилиб олган эди. Туркия Суперлигасидаги биринчи мавсумида у “Фенербахче”ни 84 очко тўплаган ҳолда иккинчи ўринга олиб чиқди – чемпион “Галатасарой”дан 11 очко кам.
Клуб Туркия кубогида ҳам чорак финалгача етиб борган ва Европа лигасининг 1/8 финалида тўхтаган. Жозе Моуриньо ўтган йиллар давомида “Порту”, “Челси”, “Интер”, “Реал”, “Манчестер Юнайтед” ва “Рома” клубларига устозлик қилган ва бу клубларнинг деярли ҳар бири билан совринларни қўлга киритган.
