"Барселона" ҳужумчи Ансу Фатини "Монако" сотиб олишга қарор қилган тақдирда ҳам ўз сафига қайтариши мумкин.
Француз клуби испаниялик футболчини 14 млн еврога сотиб олиш имконияти билан ижарага олишни якунламоқда. Бундан ташқари, Diario Sport хабарига кўра, келишувга футболчини 28 млн еврога биринчи навбатда қайта сотиб олиш опцияси ҳам киритилади, "Барселона" агар керак деб ҳисобласа, келгусида ундан фойдаланиши мумкин.
Ансу Фатининг айни дамдаги нархи Transfermarkt портали томонидан 5 млн еврога баҳоланмоқда. Ўтган мавсум давомида 22 ёшли футболчи бор-йўғи 11 марта майдонга тушди ва "кўк-анорранглилар"нинг голларида иштирок этмади.













