"Пари Сен-Жермен" бош мураббийи Луис Энрике жамоаси 2025 йилнинг 15 июнидан 13 июлига қадар АҚШда бўлиб ўтадиган клублар ўртасидаги жаҳон чемпионатида фақатгина ғалаба қозонишга интилишини таъкидлади.
"Биз шижоатга тўламиз. Бу янги, ўзига хос мусобақа ва биз унинг бир қисми бўлишдан бахтиёрмиз. Клублар ўртасидаги жаҳон чемпионатида иштирок этишнинг ўзи бир воқеа, аммо мақсадимиз аниқ - ғалаба қозониш. Биз Чемпионлар Лигасида ғолиб бўлдик, тарихий муваффақиятга эришдик ва энди жаҳон майдонидаги етакчилигимизни тасдиқламоқчимиз," - дея испанияликнинг сўзларини келтиради клуб матбуот хизмати.













