"Тоттенхэм" "Ноттингем"дан ярим ҳимоячи Морган Гиббс-Уайт трансферига қизиқиш билдирмоқда, деб хабар берди Х ижтимоий тармоғида журналист Себастьян Видал.
Манбага кўра, "Тоттенхэм" 25 ёшли англиялик футболчини ёзги трансферлар даврида ўз сафига қўшиб олмоқчи.
2024/25 йилги мавсумда Гиббс-Уайт барча турнирларда 38 та ўйинда майдонга тушиб, 7 та гол урди ва 10 та голли узатмани амалга оширди. Унинг "Ноттингем Форест" билан шартномаси 2027 йилнинг 30 июнига қадар амал қилади.
Transfermarkt портали футболчининг трансфер қийматини 50 миллион еврога баҳоламоқда.
