Филиппо Индзаги "Пиза"ни А Серияга олиб чиққанидан сўнг жамоани тарк этди.
Илгари, 51 ёшли мутахассис Б Сериясидаги "Палермо" жамоасини қабул қилиб олиши ҳақида хабар берилган эди. "Пиза" у учун тахминан 700 минг евро миқдорида компенсация олади.
"Филиппо Индзаги билан шартнома ўзаро келишувга асосан бекор қилинганини маълум қиламиз.
Клуб Индзаги ва унинг жамоасига профессионал иши, самарали ва муваффақиятли ҳамкорлиги учун миннатдорчилик билдиради, бу ҳамкорликнинг чўққиси А Серияга чиқиш бўлди.
Биз уларга келажакдаги фаолиятларида барча эзгу тилакларни тилаймиз," - дейилади "Пиза" матбуот хизмати баёнотида.
Индзаги 2024 йил 3 июлдан бери клубда фаолият юритиб келаётган эди.
