ПСВ Иван Перишични "Барселона"га ўтмасликка ҳаракат қилмоқда.
Аввалроқ Ханси Флик 36 ёшли вингерни "Барса"да кўришни исташи ҳақида хабар берилганди. Мураббий хорватиялик футболчини “Бавария”даги вақтидан танийди.
ПСВ футболчини йўқотмоқчи эмас. Diario Sport хабарига кўра, Нидерландия чемпиони Перишичга икки йиллик шартнома таклиф қилган ва ўзининг дастлабки таклифини яхшилаган.
Перишич бу таклифга қизиқаётгани айтилмоқда. Бироқ футболчи "Барселона"нинг якуний қарорини билмагунча ҳеч қандай шартнома имзоламайди.
Хорватиялик футболчи терма жамоадаги ўрнини сақлаб қолиш ва жаҳон чемпионатига чиқиш учун юқори савияда ўйнашни давом эттирмоқчи.
