"Штутгарт" ҳужумчиси Ник Вольтемаде фаолиятини Англия Премьер-лигасида давом эттириши мумкин.
"Челси" баланд бўйли ҳужумчи трансфери бўйича музокараларни бошлади, дея хабар бермоқда инсайдер Кристиан Фальк. 23 ёшли футболчига даъвогарлар орасида Миланнинг "Интер" клуби ҳам бор эди.
Ник Вольтемаде Бундеслиганинг ўтган мавсумида 28 та ўйинда 12 та гол урди ва иккита голли узатмани амалга оширди. Футболчининг "Штутгарт" билан амалдаги меҳнат шартномаси 2028 йилнинг ярмигача мўлжалланган бўлиб, унинг трансфер нархи Transfermarkt талқинига кўра 30 млн еврони ташкил этади.
Июнь ойида Вольтемаде Германия терма жамоаси сафида дебют қилди: у Миллатлар Лигаси доирасида Португалия ва Францияга қарши ўйинларда асосий таркибда майдонга тушди.
