"Рома" ҳужумчиси Тэмми Абраҳам ёзда Италияни тарк этиши мумкин. Англиялик футболчи 2024/25 йилги мавсумни "Милан"да ижара асосида ўтказди, аммо "россонерилар"ни сотиб олиш ҳақида ўйлашга кўндира олмади. Журналист Николо Скиранинг маълум қилишича, "Рома" ҳам 27 ёшли ҳужумчига кўп ҳам умид қилмаяпти. Футболчига Англия Премьер-лигаси ва Туркия чемпионати вакиллари қизиқиш билдирмоқда.
"Рома" Тэмми Абрахамни 2021 йилнинг ёзида "Челси"дан 41 млн еврога сотиб олганди. Футболчининг ҳозирги нархи Transfermarkt экспертлари томонидан анча паст - 15 млн еврога баҳоланмоқда. "Аристократлар" тарбияланувчисининг Рим клуби билан амалдаги меҳнат шартномаси 2027 йилнинг ярмигача мўлжалланган.
