"Ювентус"нинг чап қанот ҳимоячиси Андреа Камбьясо ёзги трансферлар ойнасида клубни тарк этиши даргумон.

Футболчининг трансферига "Милан" қизиқиш билдирган, улар италиялик футболчини кетаётган Тео Эрнандесга ўринбосар сифатида кўришганди. Журналист Лука Маркеттига кўра, "кекса синьора" 25 ёшли футболчини "россонерилар" таклиф қилган нархда сотишни истисно қилган. Манбанинг таъкидлашича, туринликлар латерал билан хайрлашишдан манфаатдор эмас.

Андреа Камбьясонинг "Ювентус" билан шартномаси 2029 йилгача мўлжалланган. Қишда ҳимоячига "Манчестер Сити" даъвогарлик қилганди. Transfermarkt талқинига кўра, футболчининг айни дамдаги трансфер нархи 50 млн еврони ташкил қилмоқда.