"Yuventus"ning chap qanot himoyachisi Andrea Kambyaso yozgi transferlar oynasida klubni tark etishi dargumon.
Futbolchining transferiga "Milan" qiziqish bildirgan, ular italiyalik futbolchini ketayotgan Teo Ernandesga o‘rinbosar sifatida ko‘rishgandi. Jurnalist Luka Markettiga ko‘ra, "keksa sinyora" 25 yoshli futbolchini "rossonerilar" taklif qilgan narxda sotishni istisno qilgan. Manbaning ta’kidlashicha, turinliklar lateral bilan xayrlashishdan manfaatdor emas.
Andrea Kambyasoning "Yuventus" bilan shartnomasi 2029 yilgacha mo‘ljallangan. Qishda himoyachiga "Manchester Siti" da’vogarlik qilgandi. Transfermarkt talqiniga ko‘ra, futbolchining ayni damdagi transfer narxi 50 mln yevroni tashkil qilmoqda.
