"Эмполи" ҳимоячиси Лука Мариануччи жамоасини "Наполи"га ўзгартирди. Бу ҳақда Неаполь клуби матбуот хизмати хабар бермоқда. Томонлар ўртасидаги меҳнат шартномасининг муддати ҳали ошкор этилмаган.
Аввалроқ матбуотда 20 ёшли Мариануччи Италия чемпиони билан 5 йилга мўлжалланган узоқ муддатли меҳнат шартномасини имзолаши ҳақида хабарлар тарқалган эди.
Ҳимоячи 2024/2025 йилги мавсумда Италия чемпионатида 18 та ўйинда қатнашиб, гол урмаган. Мавсум якунларига кўра, "Эмполи" А Сериядан тушиб кетди.













