"Галатасарой" ёзги трансфер ойнасида "Манчестер Сити"дан ярим ҳимоячи Илкай Гюндоганни сотиб олиши мумкин, деб хабар берди Х ижтимоий тармоғида журналист Ягиз Сабунчўғли.
Манбага кўра, турк клуби 34 ёшли германиялик футболчининг трансфери бўйича музокараларни бошлаб юборган. "Галатасарой" Гюндоганнинг тажрибаси ва ўйинни назорат қила олишига умид қилмоқда. Футболчига Саудия Арабистони ҳам қизиқиш билдирмоқда, аммо ярим ҳимоячи Туркияга кўчиб ўтишни афзал кўрмоқда.
Гюндоган 2024/25 йилги мавсумда "Манчестер Сити" сафида барча мусобақаларда 50 та ўйинда 3 та гол урди ва 7 та голли узатмани амалга оширди. Унинг шартномаси 2026 йилнинг 30 июнига қадар амал қилади.
