"Galatasaroy" yozgi transfer oynasida "Manchester Siti"dan yarim himoyachi Ilkay Gyundoganni sotib olishi mumkin, deb xabar berdi X ijtimoiy tarmog‘ida jurnalist Yagiz Sabuncho‘g‘li.
Manbaga ko‘ra, turk klubi 34 yoshli germaniyalik futbolchining transferi bo‘yicha muzokaralarni boshlab yuborgan. "Galatasaroy" Gyundoganning tajribasi va o‘yinni nazorat qila olishiga umid qilmoqda. Futbolchiga Saudiya Arabistoni ham qiziqish bildirmoqda, ammo yarim himoyachi Turkiyaga ko‘chib o‘tishni afzal ko‘rmoqda.
Gyundogan 2024/25 yilgi mavsumda "Manchester Siti" safida barcha musobaqalarda 50 ta o‘yinda 3 ta gol urdi va 7 ta golli uzatmani amalga oshirdi. Uning shartnomasi 2026 yilning 30 iyuniga qadar amal qiladi.













