Италиянинг "Лацио" клуби сафида тўп тепаётган ёш вингер Лум Чаунага Нидерландия чемпионати вакили ПСВ қизиқиб қолди. Бу ҳақда The Laziale хабар бермоқда.
Манбага кўра, ПСВ аллақачон трансфер бўйича аниқ таклиф киритган. Франциянинг турли ёшдаги терма жамоаларида тўп тепган 21 ёшли чадлик футболчи ўтган йилнинг ёзида "Лацио"да пайдо бўлди, аммо Густав Исаксеннинг ўринбосари сифатида рақобатга дош бера олмади.
ПСВ футболчини 12-13 миллион еврога сотиб олиш шарти билан ижарага олишни режалаштирмоқда. "Лацио" 15-16 миллион олишни истамоқда.
Мавсум давомида Чауна жами 37 та ўйинда майдонга тушиб (ҳар бир ўйинда ўртача 37 дақиқа), 2 та гол урган ва 1 та голли узатмани амалга оширган.
