Лондоннинг "Тоттенхэм" клуби ҳужумчи Матис Тель учун "Бавария"га қанча тўлагани ҳақида янги маълумотлар пайдо бўлди.
Бугун, 15 июнь куни "шпорлар" клуб билан 6 йиллик шартнома имзолаган 20 ёшли французни сотиб олганини расман эълон қилди.
Таниқли журналист Флориан Плеттенбергнинг таъкидлашича, томонлар Телнинг трансферини 45 миллион еврога келишган.
"Тоттенхэм" жорий йил бошида Телни "Бавария"дан ижарага олган эди. Бу вақт ичида футболчи барча мусобақаларда 20 та учрашувда майдонга тушиб, уч марта рақиблар дарвозасини ишғол қилишга муваффақ бўлди ва битта самарали узатмани ўз ҳисобига ёздириб қўйди.













