Каталониянинг "Барселона" клуби дарвозабони Марк-Андре тер Штеген Истанбулнинг "Галатасарой" клуби раҳбарияти билан музокаралар олиб бормоқда.
Манбага кўра, турк гранди 33 ёшли германияликка йиллик маоши беш миллион евро бўлган меҳнат шартномасини таклиф қилган. "Галатасарой" дарвозабонни тўлақонли трансфер қилиш ва ижарага олиш вариантини кўриб чиқмоқда.
Тер Штеген "кўк-анорранглилар" билан 2028 йил ўрталаригача меҳнат мажбуриятлари билан боғланган. Унинг бозор қиймати 12 миллион еврони ташкил этади.













