"Бавария" бош мураббийи Венсан Компани Лерой Саненинг клублар ўртасидаги ЖЧ-2025даги иштироки ҳақида фикр билдирди.
Эслатиб ўтамиз, 12 июн куни футболчининг "Галатасарой"га ўтиши расман эълон қилинган эди.
Шунга қарамай, футболчи жорий турнирда мюнхенликлар сафида ўйнай олади.
"Лерой жамоанинг бир қисми бўлиб қолмоқда. Биз вазиятни клуб манфаатлари нуқтаи назаридан баҳоладик.
Жамол Мусиала ҳали юқори спорт формасида эмас ва биз бошқа ҳужумкор футболчини йўқотишни хоҳламадик.
Жамолни ўйинга қайтариш учун вақт керак. Муҳими, Сане шу ерда бўлиш истагини билдирган. Бу барчага ижобий сигнал берди.
Биз гуруҳ босқичида ғалаба қозонишни мақсад қилганмиз ва ҳар бир ҳужумда хавф туғдира оладиган футболчилар керак.
Лерой ўтган мавсумни яхши савияда якунлади", дея Компанининг сўзларини келтирмоқда "Бавария" матбуот хизмати.
