"Барселона" ярим ҳимоячиси Гави яқин келажакда сотилиши даргумон.

Турли миш-мишларга қарамай, Каталония клуби аллақачон 20 ёшли футболчини сотиш мумкин эмас, деган қарорга келган, деб хабар беради Sport. Жамоа бош мураббийи Ханс-Дитер Флик хавбекка ишонмоқда, футболчининг ўзи ҳам бор эътиборини "Барса"даги фаолиятини давом эттиришга қаратган.

Январь ойи охирида Гави "кўк-анорранглилар" билан 2030 йилгача мўлжалланган янги шартнома имзолаганди. Ўтган мавсумда ёш испаниялик футболчи "Барселона"нинг барча мусобақалардаги 42та ўйинида қатнашиб, 3та гол урди ва 3та голга ассистентлик қилди.