15 июнь куни Мюнхеннинг "Бавария" клуби клублар ўртасидаги жаҳон чемпионатида ўз иштирокини бошлади ва гуруҳ босқичининг биринчи ўйинида Янги Зеландиянинг "Окленд Сити" жамоасига қарши 10:0 ҳисобида шоу уюштирди.
Учрашувнинг бош қаҳрамони Жамол Мусиала хет-трик қайд этди. Бу натижа нафақат учрашув безагига айланди, балки тарихга ҳам кирди: 22 ёшли ярим ҳимоячи турнирнинг янги формати жорий этилганидан кейин бир ўйинда учта гол уришга муваффақ бўлган биринчи футболчига айланди.
Мусиалагача бундай ишни фақат икки футболчи - Криштиану Роналду ва Гарет Бэйл уддалаган, уларнинг ҳар бири клублар ўртасидаги жаҳон чемпионатининг эски форматида биттадан ҳет-трик қайд этган.
