Франциянинг "ПСЖ" клуби устози Луис Энрике клублар ўртасидаги жаҳон чемпионати гуруҳ босқичи доирасида Мадриднинг "Атлетико" клубига қарши кечган йирик ҳисобдаги ғалабадан сўнг ўз фикрларини билдириб ўтди.
Париж жамоаси "матрасчилар"ни 4:0 ҳисобида мағлуб этди.
"Бу ўйин таблодаги натижага қараганда қийинроқ эди. Ўйин пайтида жуда иссиқ эди. Бундай натижадан хурсандмиз ва йўлимизда давом этамиз. Жамоа ажойиб ўйин ўтказди. Стадиондаги муҳит бизга ёқди. Бу жуда қизиқарли турнир," - дея испаниялик мураббийнинг сўзларини келтиради AS.
Париж жамоаси клублар ўртасидаги жаҳон чемпионати - 2025'даги навбатдаги ўйинини Бразилиянинг "Ботафого" жамоасига қарши ўтказади.
