"Болонья" марказий ҳимоячиси Жон Лукуми "Рома"га ўтиши мумкин. Бу ҳақда журналист Руди Галетти хабар бермоқда.
Манбага кўра, "Рома" 26 ёшли колумбиялик футболчи бўйича келишувга эришиш учун бор кучини ишга солади. Клуб келаси ёзда футболчининг шартномаси якунланишидан фойдаланиб қолмоқчи. Шу билан бирга, "Болонья" футболчини қўйиб юборишга тайёр эмаслиги айтилмоқда. Агар клублар келиша олмаса, "Рома" январь ойида Лукуми вариантига қайтиб, келаси ёзда бепул трансферни амалга оширади.
Жорий мавсумда ҳимоячи барча мусобақаларда 44 та учрашувда майдонга тушиб, 1 та гол урди ва 1 та голли узатмага муаллифлик қилди.
