"Челси"нинг янги аъзоси Лиам Делап Николас Жексон билан асосий таркиб учун кураш ҳақида гапирди.
Сенегаллик футболчи клублар ўртасидаги жаҳон чемпионатида "Лос-Анжелес"га қарши ўйинда (2:0) асосий таркибда майдонга тушиб, Педру Нетунинг голига ассистентлик қилди. 64-дақиқада Делап Жексоннинг ўрнига майдонга тушди ва 79-дақиқадаёқ Энцо Фернандесга ўзининг дебютида ассистентлик қилди.
"Бошланғич ўрин учун рақобат - бу ҳар доим фойдали. Бу футбол. "Челси" - ажойиб клуб. Сен рақобат туфайли муваффақиятга эришишинг керак," - дея Делапнинг сўзларини келтиради журналист Бен Жейкобс.
