Миланнинг "Интер" клуби янги бош мураббийи Кристиан Киву жамоанинг тактик формацияси ҳақида гапирди.
"Нерадзуррилар" аввалги бош мураббийи Симоне Индзаги қўл остида 3-5-2 схемасида ўйнаб, муваффақиятга эришди. Журналистлар италияликнинг ўринбосаридан тизимни ўзгартиришни режалаштиряптими, деб сўрашди.
"Биз 3-5-2 ўйнашда давом этамизми? Италия жамоалари схемаларга жуда боғланган, аммо ўйин тамойиллари ҳам муҳим. Рақиблар ҳимоясига муаммоларни етказиш учун доимий ҳаракат, синхронлик талаб этилади. "Интер" аввал ҳам шундай руҳда ўйнаган ва биз нимадир қўшишга ҳаракат қиламиз," - деди Киву матбуот анжуманида.
Сешанба куни миланликлар клублар ўртасидаги жаҳон чемпионатини Мексиканинг "Монтеррей" клубига қарши ўйин билан бошлайди.
