Milanning "Inter" klubi yangi bosh murabbiyi Kristian Kivu jamoaning taktik formasiyasi haqida gapirdi.

"Neradzurrilar" avvalgi bosh murabbiyi Simone Indzagi qo‘l ostida 3-5-2 sxemasida o‘ynab, muvaffaqiyatga erishdi. Jurnalistlar italiyalikning o‘rinbosaridan tizimni o‘zgartirishni rejalashtiryaptimi, deb so‘rashdi.

"Biz 3-5-2 o‘ynashda davom etamizmi? Italiya jamoalari sxemalarga juda bog‘langan, ammo o‘yin tamoyillari ham muhim. Raqiblar himoyasiga muammolarni yetkazish uchun doimiy harakat, sinxronlik talab etiladi. "Inter" avval ham shunday ruhda o‘ynagan va biz nimadir qo‘shishga harakat qilamiz," - dedi Kivu matbuot anjumanida.

Seshanba kuni milanliklar klublar o‘rtasidagi jahon chempionatini Meksikaning "Monterrey" klubiga qarshi o‘yin bilan boshlaydi.