Португалиянинг "Спортинг" клуби форварди Виктор Дьёкерешнинг хизматлари Мадриднинг "Реал" клубига таклиф қилинди. Бу ҳақда таниқли журналист Марио Кортегана хабар бермоқда.
Аммо манбага кўра, "Реал" швециялик ҳужумчини сотиб олишдан бош тортган.
Жорий мавсумда 27 ёшли голеадор барча турнирларни қўшиб ҳисоблаганда 52 та учрашувда иштирок этиб, 54 та гол урди ва 13 та голли узатмани ўз ҳисобига ёздириб қўйди.
Нуфузли Transfermarkt интернет портали мутахассислари Дьёкерешнинг нархини 75 миллион еврога баҳоламоқда. Ҳужумчи учун курашда Туриннинг "Ювентус" ва Лондоннинг "Арсенал" клублари қолмоқда.
