Мадриднинг "Атлетико" клуби "Аталанта" ҳужумчиси Адемола Лукманга жиддий қизиқиш билдирмоқда.
Corriere dello Sport нашри тарқатган хабарга кўра "матрасчилар" 27 ёшли нигериялик футболчини ҳужум чизиғининг кучайтирувчиси сифатида кўришмоқда ва "Наполи" билан рақобатлашиб, футболчи учун курашга қўшилишмоқчи.
Бироқ бу келишув осон бўлмаслиги аниқ - бергамоликлар нархни пасайтирмоқчи эмас ва ҳамон Лукманни 60 миллион еврога баҳоламоқда.
Ўтган мавсум форвард учун фаолиятидаги энг яхшиларидан бири бўлди: А Сериянинг 31 ўйинида 15 гол ва бешта голли узатма.













